Cursos de Formación Musical: novembro 2017 a xaneiro 2018.

Cursos de Formación Musical.

Os cursos son de iniciación, gratuítos e cunha duración trimestral están destinados a mocidade empadroada en Vigo de idades comprendidas entre os 13 e os 35 anos.

A asignación de prazas farase segundo a orde de chegada das solicitudes por medio deste formulario online.
Veracidade dos datos inseridos:
No caso de indicar datos falsos pode supoñer a exclusión da asignación das prazas, estes datos teñen que ser corroborados coa presentación da documentación requirida para os cursos antes do seu comezo:
– DNI, carné de conducir ou pasaporte vixente.
– Volante do empadroamento no Concello de Vigo.
Rematado o prazo de inscricións comunicárase por medio do correo electrónico a concesión de prazas.
As persoas admitidas nos cursos deberán comunicar con tempo abondo (mínimo 2 días) que rexeitan a praza, no caso de non facelo, poden ser excluídas de vindeiras convocatorias dos cursos de VigoSónico.

Os cursos son de iniciación, gratuítos e cunha duración trimestral. As quendas estableceránse en función do número de alumnos/as a partires da hora indicada para cada un deles. A duración de cada clase é de 60 minutos.

O alumnado segundo o calendario comunicado terá que asistir as clases tendo un máximo de 3 faltas ao curso, é dicir en todo o trimestre. A persoa beneficiaria do curso deberá avisar da súa ausencia antes da realización da clase, enviando un correo electrónico.

Os cursos de INICIACIÓN II son para persoas que xa realizaran o curso de iniciación I da mesma temática. A listaxe de cursos é:

  • Curso de iniciación ao baixo eléctrico (grupo 1): martes de 20h.-21h. nas instalacións de VigoSónico de novembro 2017 a xaneiro 2018.
  • Curso de iniciación ao baixo eléctrico (grupo 2): martes de 21h.-22h. nas instalacións de VigoSónico de novembro 2017 a xaneiro 2018.
  • Curso de iniciación á técnica vogal I: martes de 19:00h.-20h. nas instalacións de VigoSónico de novembro 2017 a xaneiro 2018.
  • Curso de iniciación á técnica vogal II*: martes de 20h.-21h. nas instalacións de VigoSónico de novembro 2017 a xaneiro 2018.
  • Curso de iniciación á guitarra I: mércores de 19:00h.-20h. nas instalacións de VigoSónico de novembro 2017 a xaneiro 2018.
  • Curso de iniciación á guitarra II*: mércores de 20:00h.-21h. nas instalacións de VigoSónico de novembro 2017 a xaneiro 2018.
  • Curso de iniciación á bateria (grupo 1): venres de 17h.-18h. nas instalacións de VigoSónico de novembro 2017 a xaneiro 2018.
  • Curso de iniciación á bateria (grupo 2): venres de 18h.-19h nas instalacións de VigoSónico de novembro 2017 a xaneiro 2018.

*Para estes grupos a persoa interesada ten que ter realizado o nivel I do curso de inciación en VigoSónico.

Material a traer para o curso.

Baixo: Para o curso de baixo eléctrico terás que traer o teu propio baixo eléctrico.
Guitarra: Para o curso de guitarra terás que traer a túa propia guitarra, pode ser clásica ou eléctrica.
Técnica vogal: non é preciso traer nada.
Batería: Para o curso de batería terás que traer un xogo de baquetas.

Preinscribirse

(as preisncricións comezarán o vindeiro 14 de outubro)

Despois do proceso de asignación de prazas comunicaranse por correo electrónico a cada persoa a ficha para traer o primeiro día xunto a outra documentación, pódese descargar aquí:

Descarga: Ficha inscrición para as persoas con praza.

 

Concurso VideoClips musicais VigoSónico 2017: votacións.

Participantes no IV Concurso VideoClips musicais VigoSónico:

No IV Concurso Videoclips como nas edicións anteriores solicitamos a vosa colaboración para escoller os mellores videoclips participantes, podedes votar de 2 xeitos (podedes facelo en ambas):

  • “Gústame” de YouTube
  • Polas votacións na web de VigoSónico.

Lembrade que o domingo 11 de xuño dende ás 18h. proxectaranse todos os videoclips participantes no salón de VigoSónico e despois farase a achega de premios.

As votacións para o concurso están pechadas. O domingo 11 ás 19h. farase a achega de premios no salón. Haberá proxección prevía de todos os videoclips dende as 18h.
Xa podedes ver o resultado do concurso en: https://vigosonico.org/iv-concurso-videoclips-musicais-vigosonico-ganadores/

Podes ver todos os vídeos na lista de reprodución do concurso:

Videoclips participantes na orde de achega ao concurso:

STOYKA – Fireshines

CINTA ADHESIVA – O deserto

KOMODO – Puma Pride

RONIN SHOW – Juicios y embargos

LA CLOAKA SOUND – Quebec

ASEL COLLINS – No Hotel

LÍCOR CAFRE – Caleidoscopio

BAKARRÁ – NOITES DE ORQUESTRA

KINGS OF THE BEACH – Sunset

IVORY CON REAL LA CLIKA – Juicio

 Dalle a “Gústame” en YouTube aos teus videoclips favoritos e tamén vota polo teu preferido en:

As votacións para o concurso están pechadas. O domingo 11 ás 19h. farase a achega de premios no salón. Haberá proxección prevía de todos os videoclips dende as 18h.

 

IV Concurso Videoclips Musicais VigoSónico

Vigosónico convoca o IV Concurso Videoclips Vigosónico para premiar o espíritu creativo das/os participantes. A convocatoria ten as seguintes bases:

PARTICIPANTES:

Poderán participar no concurso grupos e solistas de calquera estilo musical, na que o 50% dos/as compoñentes están empadroados/as no Concello de Vigo, para o que se pode solicitar volante de empadroamento ao inscribirse.

CONDICIÓNS TÉCNICAS

    1. A participación no concurso é gratuíta e poderá ser individual ou por grupos.

    2. Para acceder ao concurso presentárase un proxecto, en formato vídeo, de carácter artístico e calquera estilo musical. O tema ten que ser orixinal tanto en música, letra e todos aqueles contidos inseridos, sendo propietarios/as e da autoría dos mesmos.

    3. A duración do videoclip non será maior de 10 minutos, nin ocupar máis de 400 Mb (cunha resolución máxima de 720p HD) en arquivo compatible con YouTube, poderanse xuntar os vídeos con maior calidade para a súa proxección o día da final.

    4. Admitirase un máximo de 2 propostas artísticas por grupo ou solista.

    5. Aceptarase o material audiovisual en soporte dixital que pode ser achegado en: Pendrive, CD, DVD, etc. e o formato do vídeo (AVI, MOV, etc. ) ten que ser compatible con YouTube, en caso contrario será responsabilidade do grupo ou solista facilitalo nun formato axeitado.

    6. Os traballos achegaranse presencialmente nas instalacións de Vigosónico, do 2 de maio ao 2 de xuño de 2017 no horario e días de apertura de VigoSónico.

    7. No momento da achega do material audiovisual as/os participantes deberán entregar a folla de inscrición asinada por todas/os as/os compoñentes do grupo, incluíranse: nome do grupo, título do traballo, características técnicas do vídeo e os datos persoais das/os compoñentes. No caso de que os participantes sexan menores de idade deberan contar ademais cunha autorización dos/as pais/nais ou titores legais.

    8. Os/As participantes autorizarán a ubicación dos vídeos polo menos durante a duración do concurso e durante un mes posterior á celebración do mesmo.

    9. O contido das obras deberá ser respectuoso, calquera contido discriminatorio será motivo de expulsión do concurso.

    10. A participación no concurso supón a aceptación das presentes bases, quedando fóra de concurso as obras que non cumpran algunha das condicións antes expostas.

CALENDARIO DO CONCURSO

Apertura prazo de inscricións: dende o 2 de maio de 2017.

Recollida do material audiovisual: do 2 de maio ó 2 de xuño de 2017.

Mostra dos videoclips en YouTube na canle Vigosónico e no blog de www.vigosonico.org: do 4 ao 10 de Xuño.

Proxección videoclips e achega de premios: domingo 11 de Xuño de 2017 a partir das 17:00h.

PREMIOS:

Estableceránse os seguintes premios:

1º.- Vale de compra da tenda Backstage Guitars de 100 €.

2º.- Vale de compra da tenda Backstage Guitars de 50 €.

3º.- Vale de compra da tenda Backstage Guitars de 30 €.

SISTEMA DE VALORACIÓN E PUNTUACIÓN

O sistema de valoración das creacións artísticas estará composto de 3 valoracións parciais para escolla das/os gañadores: un xurado, votación do público no blog de www.vigosonico.org e a puntuación de “positivos” dos videoclips na canle de YouTube de VigoSónico.

  1. O xurado estará composto por membros escollidos por Vigosónico con experiencia e/ou profesionais do medio que suporán 2/4 da valoración final. O fallo do xurado será inapelable, os premios poderán quedar desertos si así o xurado o determina. Os criterios a valorar serán a orixinalidade, a adecuación as bases do concurso, a innovación e a creatividade.

  2. Os videoclips estarán expostos no blog de www.vigosonico.org cun sistema para a votación online do 4 ao 10 de Xuño . Suporá 1/4 da valoración final.

  3. Os videoclips estarán expostos na canle de YouTube Vigosónico do 4 ao 10 de Xuño polo que se valorará ata o mesmo día da proxección os votos en positivo de cada vídeo na canle. Suporá 1/4 da valoración final.

  4. A valoración final unha vez obtidas as tres puntuacións faráse pública ao rematar a proxección dos videoclips e posteriormente na web de VigoSónico: www.vigosonico.org e nas redes sociais que emprega o programa.

DIFUSIÓN DAS OBRAS:

Unha vez fallado o concurso, os vídeos da proposta gañadora poderán ser empregados por Vigosónico a efectos da difusión do programa, por calquera medio de reprodución ou divulgación, facendo constar o nome dos/as autores/as.

OUTRAS DETERMINACIÓNS:

  • A organización poderá introducir, si o considera necesario, as modificacións que estime convintes para o bó funcionamento do concurso.

  • Vigosónico poderá levar a cabo as accións que considere oportunas para difundir as obras presentadas, co fin de promocionar o concurso e o programa VigoSónico.

Bases do concurso en pdf: descargar

Folla de inscrición para participara no concurso: descargar

Concerto Sónico Abril 2017

Concertos Sónico de abril!!!

Data: Domingo 23 de Abril de 2017

Hora: 18:00

Lugar: Concello de Vigo: Vigosónico – Estrada do Portal s/n, (a carón do vial da Universidade) no Parque Tecnolóxico de Valadares.

Entrada: Gratuíta.

Localizar: Google Maps

ACTUARÁN AS BANDAS:

  • MEGALODÖN

Estilo musical: Stoner Metal

Web: https://www.facebook.com/megalodonofficialband/

Descrición: Banda de Vigo formada no 2016 por Pedro, Aaron e Alex, á que máis tarde únese Brian. Tocan principalmente stoner e derivados con influencias principáis tales coma Red Fang ou Mastodon.

 

 

Vídeo de un dos temas interpretados no concerto:

  • TROPAHEUM

Estilo musical: Nü Metal

Web: https://www.facebook.com/trophaeummetalband/

Descrición: Banda viguesa de Nü metal formada por catro mozos, presentará nova formación neste 2017.

 

 

 

Vídeo de un dos temas interpretados no concerto:

Presentación Recopilatorio VigoSónico 2016

Presentación do Recopilatorio VigoSónico 2016 o vindeiro sábado día 8 de abril ás 18:00h.  nas instalacións do Concello de Vigo: VigoSónico.

               Neste acto contaremos coa presenza de
Alcade de Vigo: D. Abel Caballero 
Concelleira Xuventude: Dna. Uxía Blanco
así coma da presencia dos grupos que participaron na gravación e dos grupos que comezarán coa gravación do Recopilatorio do 2017.
Proxectarase o Making of da gravación do recopilatorio.
Entrada libre até completar aforo.
Lugar: Concello de Vigo: VigoSónico. Estrada do Portal s/n (a carón do Polígono Tecnolóxico de Valadares) Google Maps
Hora: 18h.
Contraportada Recopilatorio 2016