Featured

Programación xuño e xullo de 2018

A programación de VigoSónico para os meses de Xuño e Xullo do 2018 ten eventos, concursos, cursos, obradoiros e actividades, todas gratuítas para a mocidade empadroada en Vigo de 13 a 35 anos.

Coma sempre ti escolles as actividades, anímate!!!!

Preínscribete!

Xuño.

  • Vitamusic Técnica Vogal: ARTICULACIÓN. Como desbloquear os meus articuladores. 12 de xuño de 21 a 22h. Inscríbete en: https://goo.gl/forms/I2DDAQfz8EsFh5IF2
  • Obradoiro caixas decorativas. Venres 15 de xuño de 17 a 19h.
  • Master Class de baixo eléctrico.

Impartida por Rubén Alonso “Palomo”.

Sábado 16 de xuño de 19 a 21h.

Inscríbete en: https://goo.gl/forms/I2DDAQfz8EsFh5IF2

  • Concerto Sónico. Domingo 17 de xuño ás 18h.
  • Final do V Concurso de Videoclips musicais VigoSónico. Domingo 24 de xuño de 18 a 20h.
  • Vitamusic Técnica Vogal: USO DO MICRÓFONO. Como combinar técnica e tecnoloxía. 26 de xuño de 21 a 22h. Inscríbete en: https://goo.gl/forms/I2DDAQfz8EsFh5IF2
  • Obradoiro pousavasos con Hamabeads. Sábado 30 de xuño de 17 a 19h.

Xullo.

  • Master Class de guitarra.

Impartida por Isaac Garabatos.

Mércores 4 de xullo de 19 a 21h.

Inscríbete en: https://goo.gl/forms/I2DDAQfz8EsFh5IF2

  • Obradoiro iniciación a Dj. Venres 13 de xullo de 17 a 19h.

  • Curso de gravación e edición de son en estudio. Sábado 14 e domingo 15 de xullo de 17 a 20h.
  • Obradoiro de pulseiras macramé. Venres 20 de xullo de 17 a 19h.
  • Obradoiro de sonorización de concertos. Sábado 21 e domingo 22 de xullo de 17 a 20h.
  • Concerto Sónico. Domingo 22 de xullo ás 18h.

Preínscribete!

VimanGo: Aconteceu no espazo.

A fin de semana de xullo: sábado 7 e domingo 8, VigoSónico acollerá o evento VimanGo Aconteceu no espazo. que organiza a Asociación Androide 42. Comezará ás 17h. con entrada libre é gratuíta para mocidade de 13 a 30 anos.

Concursos:

      • Cosplay
      • Trivials
      • Debuxo

Stands

Torneos de VideoXogos

  • Super Mario Karts
  • Pokemon 3DS
  • Retro Games

Xogos de Mesa.

Xogos con Auga.

Softcombat.

Proxección de Curtas SyFy.

Servizo de autobús con Vitrasa, a que agradecémos que poña unha liña para o evento de VimanGo:

16:20: Farola en Urzaiz,

16:23: G. Vía 46 ( Pasando el cruce de Venezuela)

16:28, Praza España (Antiguo Kiosco)

16:35: G. Vía Con Hispanidade (Povisa)

16:40 Avd. Castrelos frente Pabellón,

16:43 Avd. Castrelos frente al Parque h Vigosónico.

16:53 chegada a Vigosónico.

Saída de Vigosónico ás 22:00

 

V Concurso VideoClips musicais VigoSónico 2018: votacións.

Participantes no V Concurso VideoClips musicais VigoSónico:

No V Concurso Videoclips como nas edicións anteriores solicitamos a vosa colaboración para escoller os mellores videoclips participantes, podedes votar de 2 xeitos (podedes facelo en ambas):

  • “Gústame” de YouTube  (non se teñen en conta os votos negativos) na nosa canle: https://www.youtube.com/VigosonicoXuventude Cada persoa pode darlle ao nº de vídeos que considere.
  • Polas votacións na web de VigoSónico. As persoas teñen que escoller o vídeo que máis lle guste para votar.

Lembrade que o domingo 24 de xuño dende ás 17h. proxectaranse todos os videoclips participantes no salón de VigoSónico e despois farase a achega de premios.

El Pelotón de los Torpes – “Ciudad sin ley” (1ºposto)

La Cloaka Sound y J.C.A. – “Y poder soñar”(2ºposto)

Indar Galega – “Ke voltem!” (3ºposto)

Vero Coronel – “Abro mi Corazón a tu Presencia”

ST. CYR – “Misery in paradise” (5ºposto)

Dioivo – “Ao vivo – séculos escuros”(4ºposto)

The Ultimate Big Party – “Noise”

Dalle a “Gústame” en YouTube aos teus videoclips favoritos e tamén vota polo teu preferido en:

AS VOTACIÓNS ESTÁN PECHADAS PARA O CONCURSO.

V Concurso Videoclips Musicais VigoSónico

Vigosónico convoca o V Concurso Videoclips Vigosónico para premiar o espíritu creativo das/os participantes. A convocatoria ten as seguintes bases:

PARTICIPANTES:

Poderán participar no concurso grupos e solistas de calquera estilo musical, na que o 50% dos/as compoñentes están empadroados/as no Concello de Vigo, para o que se pode solicitar volante de empadroamento ao inscribirse.

CONDICIÓNS TÉCNICAS

1. A participación no concurso é gratuíta e poderá ser individual ou por grupos.
2. Para acceder ao concurso presentárase un proxecto, en formato vídeo, de carácter artístico e calquera estilo musical. O tema ten que ser orixinal tanto en música, letra e todos aqueles contidos inseridos, sendo propietarios/as e da autoría dos mesmos.
3. A duración do videoclip non será maior de 10 minutos, nin ocupar máis de 400 Mb (cunha resolución máxima de 720p HD) en arquivo compatible con YouTube, poderanse xuntar os vídeos con maior calidade para a súa proxección o día da final.
4. Admitirase un máximo de 2 propostas artísticas por grupo ou solista.
5. Aceptarase o material audiovisual en soporte dixital que pode ser achegado en: Pendrive, CD, DVD, etc. e o formato do vídeo (AVI, MOV, etc. ) ten que ser compatible con YouTube, en caso contrario será responsabilidade do grupo ou solista facilitalo nun formato axeitado.
6. Os traballos achegaranse presencialmente nas instalacións de Vigosónico, do 15 de maio ao 15 de xuño de 2018 no horario e días de apertura de VigoSónico.
7. No momento da achega do material audiovisual nas instalacións de VigoSónico as/os participantes deberán entregar a folla de inscrición asinada por todas/os as/os compoñentes do grupo, incluíranse: nome do grupo, título do traballo, características técnicas do vídeo e os datos persoais das/os compoñentes. No caso de que os participantes sexan menores de idade deberan contar ademais cunha autorización dos/as pais/nais ou titores legais.
8. Os/As participantes autorizarán a ubicación dos vídeos polo menos durante a duración do concurso e durante un mes posterior á celebración do mesmo.
9. O contido das obras deberá ser respectuoso, calquera contido discriminatorio será motivo de expulsión do concurso.
10. A participación no concurso supón a aceptación das presentes bases, quedando fóra de concurso as obras que non cumpran algunha das condicións antes expostas.

CALENDARIO DO CONCURSO

Apertura prazo de inscricións: dende o 15 de maio de 2018.
Recollida do material audiovisual: do 15 de maio ao 15 de xuño de 2018.
Mostra dos videoclips en YouTube na canle Vigosónico e no blog de www.vigosonico.org: do 17 ao 23 de Xuño.
Proxección videoclips e achega de premios: domingo 24 de Xuño de 2018 a partir das 17:00h.

PREMIOS:

Estableceránse os seguintes premios:
1º.- Vale de compra da tenda Backstage Guitars de 100 €.
2º.- Vale de compra da tenda Backstage Guitars de 50 €.
3º.- Vale de compra da tenda Backstage Guitars de 30 €.

SISTEMA DE VALORACIÓN E PUNTUACIÓN

O sistema de valoración das creacións artísticas estará composto de 3 valoracións parciais para escolla das/os gañadores: un xurado, votación do público no blog de www.vigosonico.org e a puntuación de “positivos” dos videoclips na canle de YouTube de VigoSónico.
1. O xurado estará composto por membros escollidos por Vigosónico con experiencia e/ou profesionais do medio que suporán 2/4 da valoración final. O fallo do xurado será inapelable, os premios poderán quedar desertos si así o xurado o determina. Os criterios a valorar serán a orixinalidade, a adecuación as bases do concurso, a innovación e a creatividade.
2. Os videoclips estarán expostos no blog de www.vigosonico.org cun sistema para a votación online do 17 ao 23 de Xuño . Suporá 1/4 da valoración final.
3. Os videoclips estarán expostos na canle de YouTube Vigosónico do 17 ao 23 de Xuño polo que se valorará ata o mesmo día da proxección os votos en positivo de cada vídeo na canle. Suporá 1/4 da valoración final.
4. A valoración final unha vez obtidas as tres puntuacións faráse pública ao rematar a proxección dos videoclips e posteriormente na web de VigoSónico: www.vigosonico.org e nas redes sociais que emprega o programa.

DIFUSIÓN DAS OBRAS:

Unha vez fallado o concurso, os vídeos da proposta gañadora poderán ser empregados por Vigosónico a efectos da difusión do programa, por calquera medio de reprodución ou divulgación, facendo constar o nome dos/as autores/as.

OUTRAS DETERMINACIÓNS:

• A organización poderá introducir, si o considera necesario, as modificacións que estime convintes para o bó funcionamento do concurso.
• Vigosónico poderá levar a cabo as accións que considere oportunas para difundir as obras presentadas, co fin de promocionar o concurso e o programa VigoSónico.

Bases do concurso en pdf (sen fotos 107kb): descargar

Bases do concurso en pdf (con fotos 283kb): descargar

Folla de inscrición para participara no concurso: descargar

Hai que facer a achega nas instalacións de VigoSónico.

Vitamusic: Os instrumementos eléctricos de corda na música: pop, rock, ….

Os instrumementos eléctricos de corda na música: pop, rock, reggae, funky, heavy, ….

Un percorrido por distintos intrumentos e a súa aplicación a música moderna: baixo, guitarra eléctrica, guitarra acústica, ukelele, etc.

Data: sábado 19 de maio

Hora: de 17 a 20h.

Os obradoiros son para mozas e mozos de 13 a 35 anos empadroados no Concello de Vigo.

Preinscríbete

A asignación de prazas farase segundo a orde de chegada das solicitudes por medio deste formulario online.
Veracidade dos datos inseridos:
No caso de indicar neste formulario datos falsos pode supoñer a exclusión da asignación das prazas, estes datos teñen que ser corroborados coa presentación da documentación requirida para os cursos antes do seu comezo:
– DNI, carné de conducir ou pasaporte vixente.
– Volante do empadroamento no Concello de Vigo.
Rematado o prazo de inscricións comunicárase por medio do correo electrónico a concesión de prazas.
As persoas admitidas nos cursos deberán comunicar con tempo abondo (mínimo 2 días) que rexeitan a praza, no caso de non facelo, poden ser excluídas de vindeiras convocatorias dos cursos de VigoSónico.

Os obradoiros son gratuítos.

Os obradoiros que xa teñan as prazas cubertas non aparecerán no listado.

Todas as actividades faranse en:
Vigosónico – Concello de Vigo na Estrada do Portal s/n (Valadares)
Teléfono: 986 475 403

Preinscríbete